روايه بقلم هنا سلامه

ما دخلت صوت عياطي علي ماما جت جري عليا و أخدتني في حضنها .. ماما طول عمرها مدلعاني و عمرها ما قالتلي على حاجه لأ من ساعه مۏت بابا و كل حاجه عوزاها بتبقا موجوده .. لأول مره تزعقلي و تقولي إني غلطانه ! و إني فعلا معرفش حاجه في الدين و إني قليلة الآدب مع خالد و إني متربتش !!
دخلت أوضتي و فضلت أعيط أكتر لما ببقى غلطانه ببقى عاوزه حد يقولي إني مش غلطانه عشان يهون عليا الأمر لما بنغلط بنبقى عارفين غلاطنا لكن بننكره.
فضلت أعيط و أنا بقول و أنا بشهق من كتر العياط
_ يعني إيه معرفش حاجه في الدييين يعني إيه خالد يسيبني و يمشي كده !! ليه كل ما أتعلق بحد يسيبني و ميستحملنيش !! لييييه ليه يا رب ليه !! 
مسكت الموبايل و أنا إيدي بتترعش و قولت بعناد 
_ و الله لهوريهم إن هما أغبيه و متخلفين و هما إلي ميعرفوش حاجه في الدين أصلا.
بدأت أعمل بحث على جوجل عرفت إن الأغاني و الرقص حرام فعلا !! لبسي حرام شعري إلي باين ده كمان حرام لإني كبرت كفايه عشان ألبس الحجاب فضلت أعيط أكتر زي ما خالد قال عاوزه ټموتي على معصيه 
قفلت الموبايل و فضلت أعيط بهستيريه دماغي كانت هتتفرتك أخدت قرصين مهدىء و نمت .. نمت.
_ خالد ! 
كان قاعد جمبي و ماسك إيدي و ماما حضناني أول لما فوقت ماما إطمنت عليا و طلعت و قفلت الباب إلتفت خالد ليا و قال بلوم 
من إمتى بتاخدي مهدئات 
بصيت على إيدي لقيت محاليل متركبه فيها جيت أقوم حسيت بۏجع في جسمي .. فكرى الۏجع ده كويس ده الۏجع النفسي إلي بيجيلي لما نفسيتي بتتعب و بنهار إتأوهت بۏجع مقدرتش أخفيه قرب مني و حاوط ضهري برفق و سندني و عدلني و أنا ماسكه في الچاكيت الإسود الجلد بتاعه لمحت الدبله في إيده فغمضت عيني بتعب جيه يبعد مسكت فيه و قولت بصوت مرهق تايه 
_ خليك جمبي متسيبنيش.
حاوطته فحاوطني و هو بيطبطب عليا و أنا نمت .. نعست.
خرجنا أهو يا ريت تحكيلي. 
طلبت منه نخرج كان لسه جسمي واجعني و في علامات زرقه كمان بقت في دراعاتي من الحزن قعدت على كابوت العربيه من الجنب و هو كان واقف
قصادي عيوني إتملت بالدموع و بصيت للسماء شويه و الهواء بيطير شعري
مسك إيدي الإتنين إلي كانوا متلجين فقولت و أنا حاسه ببعض من الراحه 
_ بابا من يوم مۏت بابا
و المهدىء معايا عشان مش بعرف أنام و لما ... لما 
دموعي نزلت ڠصب عني حط إيده على دراعاتي و قال بدعم و صوت حنين 
سامعك لو عاوزه تتكلمي إهدي خالص.
كملت بعياط 
_ لما حسيت