انا واختي
رايك
طبعا يتقسم علي تلاته احسن ما تتقسم. علي اتنين بس علي العموم علشان نقبض اكتر عايزين نشتغل اكتر وفي كذا مكان
طبعا معاك حق انا عن نفسي معنديش مانع شوف ظروف شغلك و الطرف التالت اللي دخلته معانا ظروفه اية
متقلقش يا معلم ظروفه من ظروفي انا هتصرف بس مش
عايزين ندخل مع اللي اسمه حمادة تاني
ليه ما شغله حلو اية اللي ضايقك فيه بس
خلاص نخلص اخر عمليه معه و بعديها كل و احد في حاله متزعلش. نفسك انا هسيبك دلوقتي و بعدين هبقي اكلمك لان في ايدي شغل
تمام يلا سلام بالتوفيق
الحلقة التانية
بليل كان قاعد سعيد هو ونجلاء و ابنهم محسن
حمدلله علي سلامتك يا محمود شدة و تزول يا خويا
محمود
الحمد الله علي كل حاجه يا سعيد مكنتش تعبت نفسك و جيت
نجلاء بضيق
محمود باحراج.
معلش يا ام محسن تعبناكم. ولله حقك عليا
سعيد بص لمراته بعصبية
وقال لمحمود
لا متقولش كدة يا محمود انت اخويا لو في اخر الدنيا هجيلك برضة سيبك من الكلام الخايب اللي بتقوله ده
تعالوا يا جماعة اقعدوا بره و انا هساعده علشان يطلع بره اصل الاوضة صغيرة و مش هينفع نقعد فيها
نجلاء بضيق
معاكي حق وريحتها مكمكة كدة مش كويسة
صفاء بضيق
لا معلش بقي يا نجلاء البيت انا لسه منظفة و مفيهوش تربيايه ولا حتي في اي رايحة يمكن العيب في حاسة الشم عندك روحي اكشفي
انتي بتتكلمي كدة ليه يا صفاء ولا انتي اللي ينتقد تتكلمي معه بالاسلوب ده
صفاء بضيق
انا مغلطتيش فيكي و انا برد علي كلامك مش. اكتر يا نجلاء
سعيد
نجلاء ولا كلمة زيادة اتفضلي لو سمحتي من غير ولا كلمة بره و اتفضلي انتي يا صفاء انا هجيب محمود و هنطلع بره
صفاء بضيق
ماشي يا سعيد
خرجت صفاء و نجلاء سوا
نجلاء بضيق
عجبك اللي ابوك عمله يا واد يا محسن
محسن بهدوء
هو عمل اية يعني يا ماما ما انتي غلطانه بصراحه هو في حد يعمل حاجه زي دي ورايح يزور مريض حتى لو البيت مش نضيف ما ينفعش تقولي لصاحبه البيت كده
نجلاء
خليك
كده يا اخويا انت زي ابوك نسخه مصغره مني ما حدش من اخواتك طالع لي خليكم ورا ابوكم لغايه ما اوديكم ورا الشمس
نتكلم في البيت يا ماما احنا هنا مش في بيتنا لو سمحتي
نجلاء
طيب يا اخويا
سعيد سعد محمود وخرجه بره في الصاله وقعد
صفاء
اتفضلوا اشربوا الشاي
سعيد
امال فين احمد وفين البت ساره مش شايفهم يعني
صفاء
الواد احمد جه من بره من شويه ودخل نام هدخل اصحيه دلوقتي والبت ساره بتجيب لي شويه حاجات من تحت وطالعه
سعيد
لا حرام سيبيه نايم ما تصحيهوش تلاقيه تعبان في الشغل
صفاء
لا ازاي يعني لازم يجي يسلم عليكم يلا ادخل اصحهلكم بسرعه وجايه
نجلاء بعد ما دخلت صفاء تصحي ابنها
نجلاء
هو مش كان المفروض انه عارف ان في ضيوف جايين يعني كان المفروض يستناهم ذوقيا بس من الواضح ان الذوق ده مش عنده
محمود بهدوء
بعد
اذنك يا مدام بلاش الاسلوب ده وعلى العموم انتم جايين المفروض ليا انا مش لابني وابني واحد تعبان طول اليوم ومن حقه يجي يستريح حتى لو في ضيف جاي الضيف ده لو جاي لي كان استناه
نجلاء
يعني ايه يعني يا محمود وانا مش مرات عمه وده عمه يعني المفروض من باب الذوق انه يستنى على
