حب مشروع
في مره جاله واحد وقال ان عنده اخبار
ايمن قابله وكل زمايله معاه
الراجل انا يا بيه شفت اخر الليل عربيه متقفله وكام راجل ونقلوا فيها واحده مربطينها
ايمن مش عارف يسأل ايه او يقول ايه وكأنه عمره ما اشتغل في اي قواضي زي كده
احمد مواصفاتها ايه البنت دي
ورولو صورتها
الراجل الدنيا كانت ظلمه وبعدين البنت دي كانت لابسه بنطلون وبلوزه كده بحمالات وبصراحه ملامحها مش باينه قوي
الراجل يا بيه وهيا بتركب في عربيه عدت فنورت في وشها وانا شفته بس معلش كانت عنيها ورامه ووشها في ډم فمغطي ملامحه مش باينلها ملامح
ايمن هيعيط ومش عارف يعمل ايه متكتف عاجز
احمد طيب مفيش اي حاجه مميزه للبنت شعرها مثلا
ايمن هو شعرها ايه
ايمن حبيبه شعرها طويل وطويل قوي كمان
ايمن ااحمد ابعت حد المكان ده وشوف تعرف ايه او شوف اي دليل
احمد هبعت اي حد يشوف وانا هروح مكان تاني خلينا حاليا مركزين علي مراتك ودي مش مراتك
ايمن دي مرات حد تاني وبنت حد تاني واكيد اهلها هيتجننوا عليها
تاني يوم ايمن بيلف اليوم كله ورجع اخر النهار المستشفي عند والدته وكانت سميه معاها
ايمن متشكر يا سميه علي وقفتك معايا
سميه علي ايه بس يا ايمن بس يارب حبيبه ترجع
الباب خبط والباب اتفتح ودخل احمد من غير ما يستني حد يقوله ادخل واتقابل هو وسميه
سميه ملحقتش تلبس نقابها كان علي الكرسي وهتمد ايدها تجيبه بس ملحقتش
وقف قدام الكرسي بحيث يوسع لسميه طريقها
سميه اسفه بس عايزه اللي علي الكرسي
احمد بص علي الكرسي وشاف النقاب عطاه لسميه
احمد انا اسف جدا جدا
ايمن انجز يا احمد في ايه
احمد راح لايمن
احمد الراجل بتاع امبارح جاي وعايزك ضروري وبيقول في اخبار جديده
ايمن طيب هو فين
ايمن خرجله بره وخرجت معاه سميه اللي لبست نقابها واحمد كمان
الراجل يابيه في حاجه مهمه لقتها النهارده في الزباله
ايمن خير لقيت ايه
الراجل كان في ايده كيس فتحه لايمن اللي اول ما شافه رجع لوري لحد ما خبط في الحيطه ووقع علي الارض وسميه عيطت واحمد واقف متنح معندوش اي كلام ممكن يقوله.... حاله صډمه سيطرت عليهم كلهم
هنا تليفون ايمن رن
احمد ايمن رد علي تليفونك ايمن ايمن
احمد شد تليفون ايمن ورد عليه هو وكان صوت غريب زي ما يكون صوت آله مش انسان
احمد حط ايده علي التليفون
احمد ايمن دول هما اللي خطفوا حبيبه
احمد فتح الاسبيكر
ايمن الو انتو مين وعايزين ايه
الصوت وصلك السوفونير بتاع مراتك
ايمن طيب انتو عايزين ايه مني اللي تطلبوه هنفذوا بس مراتي رجعوها
الصوت عايزين عذابك وبس استني هدايا تانيه مننا
قفل التليفون وايمن قعد في الارض مكانه
نكمل بكره
تتوقعوا مين دول
هيعملوا ايه تاني في حبيبه
ايمن هيلحق مراته ولا هيوصلها بعد فوات الاوان
الحلقه السادسة
احمد واقف جنب ايمن اللي قاعد في الارض بيحاول يوقفه او يخليه يقوم
احمد ايمن في ايه مالك ايه ده ده مجرد شعر انا مش فاهم في ايه
ايمن ده مش مجرد شعر ده شعر مراتي.... شعر حبيبه
سميه ده شعر حبيبه ايمن انت لازم تتصرف يا ايمن
فاطمه خرجت علي صوتهم بتعرج
فاطمه في ايه ايه الشعر ده اوعي يكون لقيتوها يا ايمن
ايمن ما ردش بس مڼهار في الارض
فاطمه هيا جرالها حاجه انتو مبتردوش ليه ايمن
احمد لا لا لسه معرفناش حاجه هما بس علشان شعرها لكن لسه مفيش اخبار تعالي يا ست الكل ارتاحي تعالي
اخدها احمد وډخلها اوضتها
سميه ايمن ممكن توديني البيت لوسمحت
ايمن اخدها وروحها وبعد ما كان ماشي غير رأيه ودخل لابوها
سميه كانت داخله مڼهاره من العياط واول ما ايمن دخل زينب جريت عليه هيا وعم سعيد
زينب في اخبار قولي يا ايمن
سميه قصولها شعرها يا ماما شعر حبيبه الطويل قصوه
طلعت شعرها من الكيس وعطته لامها اللي شاركتها في العياط
ايمن واديني اهوه قدامك متكتف ومش عارف ارجع مراتي... مش عارف اعمل اي حاجه واقف اهوه
عم سعيد وقف فوق ايمن وبيشده يوقفه علي رجليه
عم سعيد مش عارف تعمل ومش عارف تتصرف لانك حاليا زوج بيدور علي زوجته!!! حبيب بيدور علي حبيبته لكن مش ظابط ابدا.... المفروض تقف علي رجليك انت لما اصريت في خلال 24 ساعه اثبت برائتي وجبت المچرم الحقيقي فين الظابط ده
عارف ان الموضوع صعب عليك بس حاليا انسي شويه انها مراتك واركن الزوج علي جنب وطلع الظابط وخليه يشوف شغله.... طلع الظابط يا ايمن وخليه يرجعلي بنتي.... اتحرك
وهو ماشي خرجتله زينب
زينب بصوت مبحوح من كتر العياط
زينب بنتي عمرها ابدا ما بعدت عن حضڼي... بناتي كلهم ديما في حضڼي... ابوها شافك وقال انك راجل ويعتمد عليه... فالراجل ولا يرتاح ولا يهداله بال غير ومراته قدام عينه في حضنه.... انت مسؤل تجيبلي بنتي انت فاهم بنتي لازم ترجع وانت هترجعها
ايمن مشي من عنده وبيحاول يرتب افكاره
كان في مكتبه وجاله طرد مكتوب عليه اسمه
كان معاه زمايله بيدرسوا القضيه
احمد مش عارف يا ايمن بس هتفتحه كده علي طول مش نعرف في ايه الاول
ايمن وهنعرف في ايه ازاي من غير ما نفتحه
ايمن فتحه وبص جواه واتجمد مكانه
العلبه كان فيها كام صباع مقصوصين
معرفوش ازاي يهونوا علي ايمن او يقولوه ايه
قام وقف وراح بص من الشباك بيحاول يسيطر علي اعصابه
جاله تليفون وجري يرد عليه
ايمن عايز ايه انت اكيد عايز حاجه عايز ايه
الصوت عايز اوجعك وبس مراتك ناعمه قوي وجميله قوي
الصوت هتقتلني زي ما قټلت ابويا
ايمن ابوك مين
هنا الخط اتقفل وكأن اللي بيتكلم غلط وندم
احمد قالك ايه
ايمن قالي اني قټلت ابوه
احمد انت قټلت حد قريب راجع نفسك كده
ايمن فضل يعصر دماغه
ايمن قتل بايدي مخصلش انا ما قتلتش حد لكن اتسببت في مۏت حد
احمد مين
ايمن سعيد عبد الصمد مش اتعدم بسببي
احمد ومين عياله ولا اعمارهم ايه
ايمن عنده كذا ولد... انا محتاج ملف قضيته
فضل يعملوا كلهم تحريات بحيث يعرفوا مين من عياله ممكن يكون ليه نشاطات اجراميه زي ابوه
اخر الليل ايمن بيقعد ويرفع ايده للي خلقه ويطلب منه يرحمه ويقف جنبه ويرجعله روحه تاني
اخيرا جتله معلومات عن كام واحد بيتحركوا بواحده مخطوفه في حته تعتبر وكر للمجرمين فاخد قوه كبيره وراح ھجم عليهم
فتش المكان حته حته ومش لاقي مراته
ايمن مين كان مربوط بالحبل ده
راجل من المجرمين محدش يا بيه ده مجرد حبل
ايمن ايه ده ولا متعرفش ده ايه
الراجل لا معرفش تلاقيه وقع من اي بنت من البنات اللي بيجوا هنا
الراجل معرفش سيادتك بتتكلم عن ايه
ايمن امممم متعرفش طيب انا اعرفك
ايمن طلع موبيله ووري للراجل صوره حبيبه
ايمن بتكلم عن دي هاه
الراجل مشفتهاش قبل كده
ايمن كان بيقدر يميز اللي بيكدب من اللي بيقول الحقيقه والراجل ده كان بيكدب
احمد وعلي دخلوله بسرعه
الراجل معرفش قولتلك مشفتهاش قبل كده
ايمن اممم مصر برضه
ضربه ړصاصه تانيه في رجله التانيه بكل برود
احمد مش هينفع كده يا ايمن
ايمن قولتلك مش عاجبك اطلع بره
ايمن احمد انا ضاعت مني اغلي حاجه في حياتي وبعدها معنديش غالي ومستعد اضحي باي حاجه حتي لو كان حياه صاحبي فابعد عني دلوقتي
احمد رجع لوري خطوتين
احمد اهدي يا ايمن اهدي
ايمن مراتي فين مش هعيد سؤالي تاني
الراجل معرفش يا بيه اه اه معرفش
ايمن طالما مش هتفيدني يبقي حياتك كلها ملهاش لازمه
ايمن طالما ما تعرفش يبقي حياتك ما تلزمنيش
ايمن والله ما اعرف هيا كانت هنا بس لما الدنيا اتدربكت الباشا جري وقالي اخلص منها فناديت علي اتنين صنايعيه اخدوها يدفنوها واخدوها ما اعرفش بقي هما راحو فين او عملوا ايه والله ما اعرف صدقني
الراجل بيتكلم وبيعيط وېصرخ من الالم
ايمن شده وقفه وما سكه من هدومه
ايمن دفنتو مراتي الكلام ده من امتي
الراجل اخدوها من نص ساعه بس
ايمن راحو فين ھيدفنوها فين انطق
الراجل في حته الارض الفاضيه ورانا دي
ايمن رماه من ايده وطلع يجري ووراه احمد وعلي وكام واحد من زمايله وراحوا للارض اللي الراجل قالهم عليها
راحو الارض ووقفوا كلهم متنحين لان الارض كانت كبيره ومش عارفين يبدؤا منين وياتري هيلحقوها ولا لأ
ايمن بيبص حواليه مش عارف يبدأ منين
ايمن اكيد شكل الارض هيكون مختلف لانها لسه محفوره كل واحد يدور في مكان اتحركوا
هو مش عارف ليه اختار المكان ده بس احساس جواه او شيئ الهي خلاه يحفر هنا
بايد بتترعش حطها علي رقبتها بس من رعشه ايده مش عارف اذا كان في نبض ولا لأ
احمد اسمحلي يا ايمن انا
ايمن بصله وكأنه مش سامع حد في الدنيا
فاطمه حالتها ايه طمني
ايمن كان مغمي عليها وكانت مدفونه ساعت ما لقيناها ونبضها ضعيف ويدوب واصلين ولسه
جوه مع الدكاتره ادعيلها يا امي ادعيلها كلمي اهلها وبلغيهم لاني مش قادر اتكلم
فاطمه لبست بسرعه ونزلت وهيا في الطريق كلمت اهل حبيبه وبلغتهم وخلال عشر دقايق وصلت وبعدها بشويه وصل اهل حبيبه عم سعيد وزينب وسميه
كلهم بيتكلموا مع بعض وبيسألوا ايمن اللي واقف بالعافيه اصلا علي رجليه عطاهم ضهره وبص للحيطه
احمد يا جماعه احنا لسه ما نعرفش حاجه
سميه طيب هيا كانت فايقه لما جبتوها
احمد لأ
سميه طيب كانت حالتها ايه لقتوها ازاي وضعها كان ايه
احمد للاسف هيا كانت مدفونه... احنا حفرنا وطلعناها يعني في كام چرح في وشها واثار لكدمات بس الحمد لله اننا لحقناها وحاليا مستنين حد من الدكاتره يطلع
