زوجي لا يحبني

شغلك رواية على ذوقك اقراها لانو عم مل كتير لحالي بالبيت بس تكون حلوة شو كان قصدي انا من هالحركة كان بدي يجبلي كتب هو قارئها لافهم اكتر كيف بفكر و لحتى ناقشه فيها لانو الكلام شبه معډوم بينااتنا و فعلا جبلي رواية ويزيرينغ هيتس المترجمة و قلي هيدي حلوة و يا لطيف ما اطولها قلت ما بخلصا بشهر بس اديش معناتا هيدا باله طويل و صبور المهم بلشت اقراها و كانت حلوة كتير كان كل فترة يلقي نظرة على الكتاب ليشوف وين وصلت فيه و انا كنت افتحه على طول قدامه و حط قلم فيه لحد ما وصل قراءة و حط خطوط تحت كلام حبيته بالرواية وكل يومين تلاتة افتح سيرتا و اسالو عن احداثها انو حلوة كتير و شو بصير بعدين و من هالحكي ...
علاقتي باهله كانت ممتازة جدا و بيتن ما كتير بيبعد عن بيتي و على طول روح لعندن و احيانا اعزم حالي عالغدا و دقله قله اليوم بدي اتغدى عند اهلك مر خدني من عندن و مرة خطړ على بالي اسال اخته قلتلا محمد اكام مرة حب بحياته قبلي يعني على اساس هو بحبني قلتلي ليش عم تسالي هيدا ماضي و راح قلتلا لك فضول بس قلتلي مرة وحدة ما في غيرها بس هلا هي تزوجت و صار يمكن عندا اولاد قلتلا ليش ما ضلو مع بعض قلتلي عندن عادة البنت مرهونة لابن عمها يعني ما لازم تروح لحدا غريب و هي ما قالتلو هالحكي لاخوي لهيك وقت تزوجت اخوي تعب كتير و اخدناه عالمشفى اڼهيار عصبي و فات بنوبة اكتئاب كبيرة و حتى كان بدو ېقتل حاله و صارت تضحك بس هالحكي قديم كتير صرله 3سنين و اكتر قلتلا ماشي ما تقولي لحدا انك قلتيلي هالحكي .... انا اڼصدمت كتيرررر ومن كتر ما اڼصدمت و حسيت الدمعة بدا تنزل قلتلا يلا انا لازم روح على بيتي و لحق اعملي طبخة قبل ما يجي اخوكي و طلعت من عندن و طول الطريق و انا عم ابكي انو ما بس طلع ما بحبني لا و طلع بحب وحدة تانية تزوجت و لهلا ما قادر ينساها كيف بدو يحبني حسيت حالي داخلة على معركة خسرانة فيا.....
ابدا ما فكرت قلو انو سمعت فيا او اسالو عنا و كانت صفحة و طويتا طول العمر....المفروض وحدة بمحلي تكرهه الا انا زاد حبي اله اكتر لانو ما كنت اتخيل في رجال ممكن يحب پجنون لدرجة ېقتل حاله كل همي صار انو يصير يحبني بس كيف و اديش الشغلة بدا وقت و صبر و تخطيط..
بعد 4شهور زواج بدقلي ماما لتقلي حجزتلك بكرا عند الدكتورة النسائية حضري حالك بدنا لازم نروح لتفحصك و تشوف ليش لهلا ما حبلت بنت سميرة تزوجت بعدك بكام يوم و هلا هي حامل بالشهر التاني و بكرا زوجك ببلش يضوج ليش لهلا ما حبلتي لو ما حكالك هالشي قلتلا امي حكينا انا وزوجي بهالموضوع و قلي ما بدنا اولاد هلا قلتلي معلش منروح منطمن قلتلا طيب بردلك خبر للمسا ليجي و اسالو اذا بوافق و طبعا انا ابدا ما فتحت هالموضوع معه شوبدي قله امي بدا تاخدني تشوف ليش ما حبلت لهلا ليش انا اصلا تزوجت حتى احبل بس رديت خبر لامي انو زوجي ما قبل و مستحيل