مريم
ايدي بنت وحدة تساعدني وهي يلي تاخدني القيسات
وبلشت بفستانها وخلال اسبوع كان خالص
كان من احلى الفساتين يلي خيطتن
وقت شافته انبسطت كتير ووقت عرفت ان انا يلي خيطته بايدي فرحت اكتر لان انا مابخيط بايدي لحدى الا لتكون غالية ع قلبي كتير
واجا يوم العرس وكانت طالعة ملكة وكانها القمر ب ليلة اكتماله
وهي عم ترقص وعم تتمايل وانا بكل حركة طلع فيها وعيوني مانشالو عنها
بعدين التهيت بالحديث مع ام يوسف
بعد شي نص ساعة اجت لعندي امل
قالتلي معك ابرة وخيط قلتلها اي دايما معي ليش شوفي
قالتلي علقت الطرحة بالسحاب تبع فستان ياسمين ونحن عم نشدها انتزع قلتلها خديها ع غرفة تبع العروس وانا لاحقتك فتت لعندها وبلشت زبط فيه ماكان يزبط
دارت وجها وساعدتها لتشلحه
وصلحت السحاب ومشي حاله لبساتها ياه واجيت بدي ارفع السحاب
طلعت نظرة سريعة ع أسفل ضهرها كان في علامة حمرا
الجزء الخامس والسادس الاخير
رجعت شفت كان وحمة
سالتها شو هاد يلي بسفل ضهرك ياسمين
قالتلي خالتو هي وحمة ع شكل عنقود عنب سكرت السحاب تبع الفستان ورجعت اعدت ع الطاولة وانا عم اتذكر وين شايفة متل هالوحمة
صرت اطلع حولي متل المچنونة وقلن بنتي قمر والكل يطلع فيني ان شو صرلي
وانا اصړخ بنتي قمر ودموعي عم ينزلوا من عيوني ونسيت كل الناس يلي حولي
وانا عم اطلع فيها وقلن هي بنتي قمر
ركدت لعندها عانقها وشم ريحتها وقلن هي قمر
طلعت فيني وهي مذهولة مالها فهمانة شو عم احكي
ركدت لعندها وصرت وقلها قولي لي الحقيقة هي بنتي صح قولي ابوس ايديكي
طلعت فيني مصډومة هي تبكي وانا ابكي وقلها قولي لي وين لقيتوها والعالم كلها كانت ساكتة وعم تطلع علينا مذهولين من يلي عم يشوفوه
قربت علي امها قالتلي ابوس ايدك انا خلينا نحكي جوى سحبتني من ايدي وفتنا لجوى
من 20سنة كنت انا وزوجي رايحة ع المشفى وعم ابكي لان كان معي مرض والدكتور قلي لازم نشيل الرحم ومحددلي العملية
صرت اسمع صوت بيبي صغير عم يبكي ورجال حامله وعم يتلفت حوليه ضل نص ساعة هو عم يفتل ويشوف البيبي عم يبكي تركه ع الرصيف وركد طلعت ع زوجي وقلتله شفت شو عمل وركدنا انا وزوجي حملت البيبي وطلعت فيه كان متل الملاك نايم من كتر ما بكي اخدته ورحت ع اقرب صيدلية جبت حليب وببرونة وعملت الببرونة وشربته ياها ورحنا ع المشفى وفحصه الدكتور وساعتها قلي ان هي بنت
وعملت العملية وقويت كرمالها لان كانت الملاك يلي كرماله بدي عيش حبيتها وكان انا يلي ولدتها حنيت عليها وماعد قدرت بعد عنها ابدا وسميتها ياسمين وربيتها ودرت بالي عليها اكتر من عيوني
قالتلي انت كيف قدرتي تتخلي عن قطعة من روحك انت ماعندك مشاعر ولا احساس مارح اسمحلك تاخدي ياسمين مني
قلتلها بس انت لازم تسمعي مني انا متت وعشت بعد مابشير اخد البنت حسيت روحي طلعت خربت الدنيا ورجعت دور محل ماتركها وقلي ان في ناس اخدوها وهو عم يراقب من بعيد ماخليت مكان مادورت عليها ورحت ع الشرطة ودور الايتام بس مالقيتها وطلقت من زوجي وجن واخدوه ع المشفى
بس انا مافقدت الامل وكنت متاكدة ان
